(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 218

1.218. అధ్యాయః 218
Mahabharata - Adi Parva - Chapter Topics
పాండవా హంతవ్యా ఏవేతి కర్ణస్యోక్తిః॥ 1 ॥
పాంచాలనగరంప్రతి యుద్ధార్థం దుర్యోధనాదీనాం గమనం॥ 2 ॥
తైః సహ యోద్ధుం సపాండవస్య ద్రుపదస్యాగమనం॥ 3 ॥
కర్ణజయద్రథాభ్యాం సుమిత్రప్రియదర్శనయోర్వధః॥ 4 ॥
అర్జునేన కర్ణజయద్రథపుత్రయోర్వధః॥ 5 ॥
కర్ణదుర్యోధనాదీనాం పరాజయః॥ 6 ॥
పరాజితానాం తేషాం హాస్తినపురగమనం॥ 7 ॥
కృష్ణబలరామయోః పాంచాలపురే వాసః॥ 8 ॥
Mahabharata - Adi Parva - Chapter Text

వైశంపాయన ఉవాచ। 1-218-0x(1211)
సౌమదత్తేర్వచః శ్రుత్వా కర్ణో వైకర్తనో వృషా।
ఉవాచ వచనం కాలే కాలజ్ఞః సర్వకర్మణాం॥ 1-218-1(9493)
నీతిపూర్వమిదం సర్వముక్తం వచనమర్థవత్।
వచనం నాభ్యసూయామి శ్రూయతాం యద్వచస్త్వితి॥ 1-218-2(9494)
ద్వైధీభావో న గంతవ్యః సర్వకర్మసు మానవైః।
ద్విధాభూతేన మనసా అన్యత్కర్మ న సిధ్యతి॥ 1-218-3(9495)
సంప్రయాణాసనాభ్యాం తు కర్శనేన తథైవ చ।
నైతచ్ఛక్యం పురం హర్తుమాక్రందశ్చాప్యశోభనః॥ 1-218-4(9496)
అవమర్దనకాలోఽత్ర మతశ్చింతయతో మమ।
యావన్నో వృష్ణయః పార్ష్ణిం న గృహ్ణంతిరణప్రియాః॥ 1-218-5(9497)
భవంతశ్చ తథా హృష్టాః స్వబాహుబలశాలినః।
ప్రాకారమవమృద్రంతు పరిఘాః పూరయంత్వపి॥ 1-218-6(9498)
ప్రస్రావయంతు సలిలం క్రియతాం విషమం సమం।
తృణకాష్ఠేన మహతా ఖాతమస్య ప్రపూర్యతాం॥ 1-218-7(9499)
ఘుష్యతాం రాజమార్గేషు పరేషాం యో హనిష్యతి।
నాగమశ్వం పదాతిం వా దానమానం స లప్స్యతి॥ 1-218-8(9500)
నాగే దశసహస్రాణి పంచ చాశ్వపదాతిషు।
రథే వై ద్విగుణం నాగాద్వసు దాస్యంతి పార్థివాః॥ 1-218-9(9501)
యశ్చ కామసుఖే సక్తో బాలశ్చ స్థవిరశ్చ యః।
అయుద్ధమనసో యే చ తే తు తిష్ఠంతు భీరవః॥ 1-218-10(9502)
ప్రదరశ్చ న దాతవ్యో న గంతవ్యమచోదితైః।
యశో రక్షత భద్రం వో జేష్యామో వై రిపూన్వయం॥ 1-218-11(9503)
అనులోమాశ్చ నో వాతాః సతతం మృగపక్షిణః।
అగ్నయశ్చ విరాజంతే శస్త్రాణి కవచాని చ॥ 1-218-12(9504)
వైశంపాయన ఉవాచ। 1-218-13x(1212)
తతః కర్ణవచః శ్రుత్వా ధార్తరాష్ట్రప్రియైషిణః।
నిర్యయుః పృథివీపాలాశ్చాలయంతః పరాన్రణే॥ 1-218-13(9505)
న హి తేషాం మనఃసక్తిరింద్రియార్థేషు సర్వశః।
యథా పరిరపుఘ్నానాం ప్రసభం యుద్ధ ఏవ చ॥ 1-218-14(9506)
వైకర్తనపురోవ్రాతః సైంధవోర్మిమహాస్వనః।
దుఃశాసనమహామత్స్యో దుర్యోధనమహాగ్రహః॥ 1-218-15(9507)
స రాజసాగరో భీమో భీమఘోషప్రదర్శనః।
అభిదుద్రావ వేగేన పురం తదపసవ్యతః॥ 1-218-16(9508)
తదనీకమనాధృష్యం శస్త్రాగ్నివ్యాలదీపితం।
సముత్కంపితమాజ్ఞాయ చుక్రుశుర్ద్రుపదాత్మజాః॥ 1-218-17(9509)
తే మేఘసమనిర్ఘోషైర్బలినః స్యందనోత్తమైః।
నిర్యయుర్నగరద్వారాత్త్రాసయంతః పరాన్ర 1-218-18(9510)
ధృష్టద్యుంనః శిఖండీ చ సుమిత్రః ప్రియదర్శనః।
చిత్రకేతుః సుకేతుశ్చ ధ్వజకేతుశ్చ వీర్యవాన్॥ 1-218-19(9511)
పుత్రా ద్రుపదరాజస్య బలవంతో జయైషిణః।
ద్రుపదస్య మహావీర్యః పాండరోష్ణీషకేతనః॥ 1-218-20(9512)
పాండరవ్యజనచ్ఛత్రః పాండరధ్వజవాహనః।
స పుత్రగణమధ్యస్థః శుశుభే రాజసత్తమః॥ 1-218-21(9513)
చంద్రమా జ్యోతిషాం మధ్యే పౌర్ణమాస్యామివోదితః।
అథోద్ధూతపతాకాగ్రమజిహ్మగతిమవ్యయం॥ 1-218-22(9514)
ద్రుపదానీకమాయాంతం కురుసైన్యమభిద్రవత్।
తయోరుభయతో జజ్ఞే తేషాం తు తుములః స్వనః॥ 1-218-23(9515)
బలయోః సంప్రసరతోః సరితాం స్రోతసోరివ।
ప్రకీర్ణరథనాగాశ్వైస్తాన్యనీకాని సర్వశః॥ 1-218-24(9516)
జ్యోతీంషఈవ ప్రకీర్ణాని సర్వతః ప్రచకాశిరే।
ఉత్కృష్టభేరీనినదే సంప్రవృత్తే మహారవే॥ 1-218-25(9517)
అమర్షితా మహాత్మానః పాండవా నిర్యయుస్తతః।
రథాంశ్చ మేఘనిర్ఘోషాన్యుక్తాన్పరమవాజిభిః॥ 1-218-26(9518)
ధూన్వంతో ధ్వజినః శుభ్రానాస్థాయ భరతర్షభాః।
తతః పాండుసుతాందృష్ట్వా రథస్థానాత్తకార్ముకాన్॥ 1-218-27(9519)
నృపాణామభవత్కంపో వేపథుర్హృదయేషు చ।
నిర్యాతేష్వథ పార్థేషు ద్రోపదం తద్బలం రణే॥ 1-218-28(9520)
ఆవిశత్పరమో హర్షః ప్రమోదశ్చ జయం ప్రతి।
సుముహూర్తం వ్యతికరః సైన్యానామభవద్భృశం॥ 1-218-29(9521)
తతో ద్వంద్వమయుధ్యంత మృత్యుం కృత్వా పురస్కృతం।
జఘ్నతుః సమరే తస్మిన్సుమిత్రప్రియదర్శనౌ॥ 1-218-30(9522)
జయద్రథశ్చ కర్ణశ్చ పశ్యతః సవ్యసాచినః।
అర్జునః ప్రేక్ష్య నిహతౌ సౌమిత్రప్రియదర్శనౌ॥ 1-218-31(9523)
జయద్రథసుతం తత్ర జఘాన పితురంతికే।
వృషసేనాదవరజం సుదామానం ధనంజయః॥ 1-218-32(9524)
కర్ణపుత్రం మహేష్వాసం రథనీడాదపాతయత్।
తౌ సుతౌ నిహతౌ దృష్ట్వా రాజసింహౌ తరస్వినౌ॥ 1-218-33(9525)
నామృష్యేతాం మహాబాహూ ప్రహారమివ సద్గజౌ।
తౌ జగ్మతురసంభ్రాంతౌ ఫల్గునస్య రథంప్రతి॥ 1-218-34(9526)
ప్రతిముక్తతలత్రాణౌ శపమానౌ పరస్పరం।
సన్నిపాతస్తయోరాసీదతిఘోరో మహామృధే॥ 1-218-35(9527)
వృత్రశంబరయోః సంక్యే వజ్రిణేవ మహారణే।
త్రీనశ్వాంజఘ్నతుస్తస్య ఫల్గునస్య నర్షభౌ॥ 1-218-36(9528)
తతః కిలికిలాశబ్దః కురూణామభవత్తదా।
తాన్హయాన్నిహతాందృష్ట్వా భీమసేనః ప్రతాపవాన్॥ 1-218-37(9529)
నిమేషాంతరమాత్రేణ రథమశ్వైరయోజయత్।
ఉపయాతం రథం దృష్ట్వా దుర్యోధనపురఃసరౌ॥ 1-218-38(9530)
సౌబలః సౌమదత్తిశ్చ సమేయాతాం పరంతపౌ।
తైః పంచభిరదీనాత్మా భీమసేనో మహాబలః॥ 1-218-39(9531)
అయుధ్యత తదా వీరైరింద్రియార్థైరివేశ్వరః।
తైర్నిరుద్ధో న సంత్రాసం జగామ సమితింజయః॥ 1-218-40(9532)
పంచభిర్ద్విరదైర్మత్తైర్నిరుద్ధ ఇవ కేసరీ।
తస్యైతే యుగపత్పంచ పంచభిర్నిశితైః శరైః॥ 1-218-41(9533)
సారథిం వాజినశ్చైవ నిన్యుర్వైవస్వతక్షయం।
హతాశ్వాత్స్యందనశ్రేష్ఠాదవరుహ్య మహారథః॥ 1-218-42(9534)
చచార వివిధాన్మార్గానసిముద్యంయ పాండవః।
అశ్వస్కంధేషు చక్రేషు యుగేష్వీషాసు చైవ హి॥ 1-218-43(9535)
వ్యచరత్పాతయఞ్శత్రూన్సుపర్ణ ఇవ భోగినః।
విధనుష్కం వికవచం విరథం చ సమీక్ష్య తం॥ 1-218-44(9536)
అభిపేతుర్నవ్యాఘ్రా అర్జునప్రముఖా రథాః।
ధృష్టద్యుంనః శిఖండీ చ యమౌ చ యుధి దుర్జయౌ॥ 1-218-45(9537)
తస్మిన్మహారథే యుద్ధే ప్రవృత్తే శరవృష్టిభిః।
రథధ్వజపతాకాశ్చ సవర్మంతరధీయత॥ 1-218-46(9538)
తత్ప్రవృత్తం చిరం కాలం యుద్ధం సమమివాభవత్।
రథేన తాన్మహాబాహురర్జునో వ్యధమత్పునః॥ 1-218-47(9539)
తమాపతంతం దృష్ట్వేవ మహాబాహుర్ధనుర్ధరః।
కర్ణోఽస్త్రవిదుషాం శ్రేష్ఠో వారయామాస సాయకైః॥ 1-218-48(9540)
స తేనాభిహతః పార్థో వాసవిర్వజ్రసన్నిభాన్।
త్రీఞ్శరాన్సందధే క్రుద్ధో వధాత్క్రుద్ధస్య పాండవః॥ 1-218-49(9541)
తైః శరైరాహతం కర్ణం ధ్వజయష్టిముపాశ్రితం।
అపోవాహ రథాచ్చాశు సూతః పరపురంజయం॥ 1-218-50(9542)
తతః పరాజితే కర్ణే ధార్తరాష్ట్రాన్మహాభయం।
వివేశ సముదగ్రాంశ్చ పాండవాన్ప్రసమీక్ష్య తు॥ 1-218-51(9543)
తత్ప్రకంపితమత్యర్థం తద్దృష్ట్వా సౌబలో బలం।
గిరా మధురయా చాపి సమాశ్వాసయతాసకృత్॥ 1-218-52(9544)
ధార్తరాష్ట్రైస్తతః సర్వైర్దుర్యోధనపురఃసరైః।
ధృతం తత్పునరేవాసీద్బలం పార్థప్రపీడితం॥ 1-218-53(9545)
తతో దుర్యోధనం దృష్ట్వా భీమో భీమపరాక్రమః।
అక్రుధ్యత్స మహాబాహురగారం జాతుషం స్మరన్॥ 1-218-54(9546)
తతః సంగ్రామశిరసి దదర్శ విపులద్రుమం।
ఆయామభూతం తిష్ఠంతం స్కంధపంచాశదున్నతం॥ 1-218-55(9547)
మహాస్కంధం మహోత్సేధం శక్రధ్వజమివోచ్ఛ్రితం।
తముత్పాఠ్య చ పాణిభ్యాముద్యంయ చరణావపి॥ 1-218-56(9548)
అభిపేదే పరాన్సంఖ్యే వజ్రపాణిరివాసురాన్।
భీమసేనభయార్తాని ఫల్గునాభిహతాని చ॥ 1-218-57(9549)
న శేకుస్తాన్యనీకాని ధార్తరాష్ట్రాణ్యుదీక్షితుం।
తాని సంభ్రాంతయోధాని శ్రాంతవాజిగజాని చ॥ 1-218-58(9550)
దిశః ప్రాకాలయద్భీమో దివీవాభ్రాణి మారుతః।
తాన్నివృత్తాన్నిరానందాన్నరవారణవాజినః॥ 1-218-59(9551)
నానుసస్రుర్న చాజఘ్నుర్నోచుః కించిచ్చ దారుణం।
స్వమేవ శిబిరం జగ్ముః క్షత్రియాః శరవిక్షతాః॥ 1-218-60(9552)
పరేఽప్యభియయుర్హృష్టాః పురం పౌరసుఖావహాః।
ముహూర్తమభవద్యుద్ధం తేషాం వై పాండవైః సహ॥ 1-218-61(9553)
యావత్తద్యుద్ధమభవన్మహద్దేవాసురోపమం।
తావదేవాభవచ్ఛాంతం నివృత్తా వై మహారథాః॥ 1-218-62(9554)
సువ్రతం చక్రిరే సర్వే సువృతామబ్రువన్వధూం।
కృతార్థం ద్రుపదం చోచుర్ధృష్టద్యుంనం చ పార్షతం॥ 1-218-63(9555)
శకునిః సింధురాజశ్చ కర్ణదుర్యోధనావపి।
తేషాం తదాభవద్దుఃఖం హృది వాచా తు నాబ్రువన్॥ 1-218-64(9556)
తతః ప్రయాతా రాజానః సర్వ ఏవ యథాగతం।
ధార్తరాష్ట్రా హి తే సర్వే గతా నాగపురం తదా॥ 1-218-65(9557)
ప్రాగేవ పూర్నిరోధాత్తు పాండవైరశ్వసాదినః।
ప్రేషితా గచ్ఛతారిష్టానస్మానాఖ్యాత శౌరయే॥ 1-218-66(9558)
తేఽచిరేణైవ కాలేన సంప్రాప్తా యాదవీం పురీం।
ఊచుః సంకర్షణోపేంద్రౌ వచనం వచనక్షమౌ॥ 1-218-67(9559)
కుశలం పాండవాః సర్వానాహుః స్మాంధకవృష్ణయః।
ఆత్మనశ్చాహతానాహుర్విముక్తాంజాతుషాద్గృహాత్॥ 1-218-68(9560)
సమాజే ద్రౌపదీం లబ్ధామాహూ రాజీవలోచనాం।
ఆత్మనః సదృశీం సర్వైః శీలవృత్తసమాధిభిః॥ 1-218-69(9561)
తచ్ఛ్రుత్వా వచనం కృష్ణస్తానువాచోత్తరం వచః।
సర్వమేతదహం జానే వధాత్తస్య తు రక్షసః॥ 1-218-70(9562)
తత ఉద్యోజయామాస మాధవశ్చతురంగిణీం।
సేనాముపానయత్తూర్ణం పాంచాలనగరీం ప్రతి॥ 1-218-71(9563)
తతః సంకర్షణశ్చైవ కేశవశ్చ మహాబలః।
యాదవైః సహ సర్వైశ్చ పాండవానభిజగ్మతుః॥ 1-218-72(9564)
పితృష్వసారం సంపూజ్య నత్వా చైవ తు యాదవీం।
ద్రౌపదీం భూషణైః శుభ్రైర్భూషయిత్వా యథావిధి॥ 1-218-73(9565)
పాండవాన్హర్షయిత్వా తు పూజయామాసతుశ్చ తాన్।
న్యాయతః పూజితౌ రాజ్ఞా ద్రుపదేన మహాత్మనా॥ 1-218-74(9566)
యాదవాః పూజితాః సర్వే పాండవైశ్చ మహాత్మభిః।
రేమిరే పాండవైః సార్ధం తే పాంచాలపురే తదా॥ ॥ 1-218-75(9567)

ఇతి శ్రీమన్మాహాభారతే ఆదిపర్వణి విదురాగమనరాజ్యలాభపర్వణి అష్టాదశాధికద్విశతతమోఽధ్యాయః॥ 218 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.